boarisch - griabig

Momentaufnahmen

Do ko ma song jetz wos-ma wui
do is nix g‘stäit ned, a koa G‘schpui
denn dieser schlichte Aug‘nblick
signalisiert gelebtes Glück…
Momentaufnahmen nia ned liang
im Gegenteil: as Herz o-riahrn
die Achtung vor der Kreatur
bedeutet „Ja!“ zu der Natur…
Ma kimmt beim Buidl ins studiern
wohie mia eigentlich mutiern
des Mensch‘n Überheblichkeit
vernichtet Leben wia ned g‘scheid…
Der Woid trogt scho as Bett‘l-Gwand
Orkane stürmen übers Land
die Seuch‘n fordern ihr‘n Tribut
im Somma quält die Hitzeglut….
Der Fortschritt der Evolution
und Schöpferkraft wird Illusion
die Warnungen bleim ungehört
die Menschheit grod de Wäit zerstört…